Veseli: Kemi pasur suksese, edhe gabime. PDK do ta ndalë korrupsionin e nepotizmin

0
212

Kryetari i PDK-së, Kadri Veseli para të pranishmëve është shprehur i emocionuar me praninë e madhe te qytetarëve që kanë ardhë në konventën e kësaj partie.

Ai ka thënë se zgjedhjet e 6 tetorit janë fitore e PDK-së, e partisë së shpresës.

Veseli ka thënë se vetëm PDK mund të luftojë korrupsionin, ta mbajë rininë në vend dhe ta zhvillojë Kosovën.

Me poshtë disa pjesë nga fjalimi i tij:

Është emocion i jashtëzakonshëm. Dje fitoi kombëtarja jonë në futboll, ndërsa bëheni gati për fitorën e kombëtares tonë politike, të PDK-së

Secili prej nesh është emocionues ky rrugëtim që po nisim sot, nuk është vetëm moment reflektimi, është zotim për rrugën që do ta bëjmë, rrugën që do ta përcaktoj drejtimin e shtetit tonë.

Kemi pasur suksese, edhe gabime. Por edhe ata që marrin pjesë në rrugëtimin e Kosovës pranojnë vlerat mundin sukseset dhe gabimet.

Gjithmonë, UÇK ka me qenë vula e lirisë e shtetit tonë.

6 tetori është referendum për të ardhmen e Kosovës nëse duam të ecim fuqishëm drejt rrugëtimit euroatlantik.

Me 6 tetor do të fitojmë me besimin e qytetarëve për ti treguar të tjerëve se Kosova është besimi dhe jeta jonë.

Me 6 tetor, ne do të fitojmë, për t’u treguar të gjithëve se ata që promvojnë rininë dhe iu japin shans të vërtetë do ta udhëheqin vendin.

Zgjedhjet e 6 tetorit nuk janë qëllimi, por realizimi i misionit dhe ëndrrës tonë të përbashkët për vendin tonë.

Po, ne, PDK, do ta bëjmë këtë, dhe ne kemi guxim, vizion ta bëjmë. Prandaj, zgjedhjet kanë të bëjë me një pyetje:

Kush mund ta mbrojë dhe zhvilloj Kosovën, ta luftojë korrupsionin dhe ta mbaj rininë tonë, kush mund të ndalë administratën e Serbisë ndaj shtetit tonë,

Ne do t’i bëjmë këto, ne jemi partia e lirisë, ne Partia Demokratike e Kosovës.

Kryeministri i Kosovës duhet ti përgjigjet vetëm popullit të Kosovës. Nuk mund të ndërtohet e ardhmja nga ata që dyshojnë në të, që e mohojnë identitetin e vendit e që skanë zemer ta qojnë lartë flamurin e Kosovës.

Nuk mund të ndërtojmë të ardhmen me ata që e cenojnë parteritetin me SHBA

Nuk mund të ndërtojmë të ardhme nga ata që s’kanë vullnet për të luftuar korrupsionin, nepotizmin.

Gjëja e parë të pranojmë problemin dhe të nisim ndërtimin nga shtëpia.

Ne do të formojmë një qeveri pa aktakuza, e vogël në numër po efikase e gjithëpërfshirëse.

Do të jemi qeveri që ka pasur më së shumti të rinjë që ka pasur ndonjëherë.