Një ndërtesë apartamentesh në qendër të Cyrihut është kapluar nga zjarri gjatë mbrëmjes së të shtunës, shkruan swissinfo.ch. Sipas raporteve të para të policisë, gjashtë persona janë lënduar, e njëri prej tyre ka marrë lëndime më serioze, përcjell albinfo.ch.
Zjarri shpërtheu pak para mesnatës, sipas një punëtori të Qendrës së Angazhimit të Policisë Bashkiake të Cyrihut, cituar nga agjencia e lajmeve Keystone-SDA.
Ai po ashtu tha se zjarri kishte dëmtuar edhe disa ndërtesa që ndodheshin afër.
Zjarrëfikësit kishin nxituar për në vendngjarje, dhe në orën një pas mesnate, e kishin marrë situatën nën kontroll. Policia nuk dha detaje të mëtutjeshme për incidentin.
