“Zyrtar i Antenës” – 2.000 euro pagë për analistin Gazmir Raci

Ministria e Administratës dhe Pushtetit Lokal, konfirmon se analisti i njohur pro-qeveritar, Gazmir Raci, do të paguhet 2 mijë euro në një projekt, që Ministria thotë se financohet nga Bashkimi Evropian.

Gazeta Insajderi raportoi sot se Raci është përzgjedhur në pozitën “Zyrtar i Antenës për Sekretariatin e Përbashkët Teknik (SPT) për Programin e Bashkëpunimit Ndërkufitar IPA Mali i Zi- Kosovë në kuadër të IPA III (2021 – 2027)“.

“Paga bruto për këtë pozitë sipas Kontratës për Asistencë Teknike IPA III/2024/455-567 të dakorduar nga strukturat operative dhe miratuar nga Delegacioni i BE-së në Kosovë është 2000 euro bruto. Pagat për stafin e jashtëm si dhe të gjitha shpenzimet që lidhen me zbatimin e programit mbulohen vetëm nga fondet e BE-së“, i kanë thënë Insajderit nga MAPL-ja.

Sipas Ministrisë, konkursi ishte hapur më 3 prill 2024 dhe Raci ishte kandidati i vetëm.

Raci njihet si analist i afërt me Lëvizjen Vetëvendosje në pushtet.

Lini një Përgjigje