Kryetari i Komunës së Prishtinës, Shpend Ahmeti, ka takuar sot përfaqësuesit e nxënëseve, mësimdhënësve dhe drejtorin e Gjimnazit “Ahmet Gashi” në Prishtinë, transmeton fokusi.info.
Përmes një postimi në facebook, Ahmeti ka thënë se shkolla vazhdon të jetë në gjendje të rëndë infrastrukturore. Kemi dërguar ekspertët për të përgatitur projektin e renovimit të shkollës, por në raport na është thënë që Shkolla paraqet rrezik për nxënësit për shkak të dëmtimit në shtyllat mbajtëse dhe themelet e shkollës.
Postimi i tij në Facebook:
Sot jam takuar me përfaqësuesit e nxënësve, mësimdhënësve dhe drejtorin e Gjimazit Ahmet Gashi, për të përsëritur atë që e kemi thënë që tre muaj tani.
Shkolla vazhdon të jetë në gjendje të rëndë infrastrukturore. Kemi dërguar ekspertët për të përgatitur projektin e renovimit të shkollës, por në raport na është thënë që Shkolla paraqet rrezik për nxënësit për shkak të dëmtimit në shtyllat mbajtëse dhe themelet e shkollës.
Ne kemi vendos që përkohësisht me i zhvendos nxënësit, sepse me jetë nuk bëjmë kompromise. Bashkë me Këshillin Drejtues të Shkollës jemi dakorduar edhe për një vlerësim profesional, për të na dhënë mendim të dytë për gjendjen e shkollës.
Në bazë të raporteve, vendosim se a po e renovojmë, apo nevojitet rindërtim. Në secilin rast lëvizja e nxënësve është e përkohshme për shkak të sigurisë së tyre.
Po e shoh që një subjekt politik po tenton me politizu rastin duke shpërndare propagandë të rrejshme, por duhet ta dijnë që me jetë të fëmijëve nuk ka politikë dhe nuk ka kompromis.
Ndryshe , nxënësit e Gjimnazt Ahmet Gashi kanë protestuar sot në orët e hershme duke kundërshtuar mbylljen e saj./Fokusi.info/
