Një shtetas Egjiptian është arrestuar me qëllim ekstradimi mëngjesin e sotëm në aeroportin e Rinasit. Policia bën me dije se 50-vjeçari me inicialet M.R ishte shpallur në kërkim ndërkombëtar për vrasje me dashje, tentativë vrasjeje dhe armëmbajtje pa leje.
50-vjeçari konsiderohet person me rrezikshmëri të lartë shoqërore nga autoritetet egjiptiane.
Më datë 06.11.2019, në Giza / Egjipt, ky shtetas ka vrarë me armë zjarri shtetasin egjiptian M. A., më pas ka marrë automjetin e viktimës dhe është larguar nga vendi i ngjarjes.
ZQK INTERPOL Tirana, në bashkëpunim me INTERPOL Kajron do të vijojë procedurat për ekstradimin e tij drejt Egjiptit.
ReportTv.al