Shefi i Lartë për Politikë të Jashtme të BE-së, Josep Borrell, i ka bërë thirrje Kosovës dhe Serbisë që të punojnë më shumë drejt marrëveshjes përfundimtare.
“Diskutuam marrëveshjen e javës së kaluar në mes të Beogradit dhe Prishtinës me Albin Kurtin – si hap i rëndësishëm që duhet implementuar”, ka shkruar ai pas takimit me Kryeministrin e Kosovës, Albin Kurti.
“Thërras të dyja palët që ta intensifikojnë punën për marrëveshjen gjithëpërfshirëse dhe ligjërisht obligative për normalizim të marrëdhënieve me ndërmjetësimin e dialogut nga BE”.
Discussed last week’s arrangement between Belgrade & Pristina with @albinkurti – an important step which needs implementation.
I now call on both parties to intensify work on a comprehensive and legally binding agreement normalizing relations within the EU-facilitated #Dialogue pic.twitter.com/IJEh2gEyTA
— Josep Borrell Fontelles (@JosepBorrellF) October 6, 2021
Kujtojmë se kryeministri i Kosovës, Albin Kurti, ka takuar sot presidentin serb, Alaksander Vuçiq.
Kurti përmes një postimi në llogarinë e tij në “Twitter”, tha se në këtë takim u bisedua për Procesin e Berlinit, lëvizjen e lirë dhe njohjen e diplomave.
Takimi Kurti- Vuçiq u zhvillua në prezencën edhe të kancelares gjermane, Angela Merkel dhe presidenti francez, Emmanuel Macron.
