Ekipi i Klan Kosovës pengohet në realizimin e emisionit në Drenas, reagon AGK

Asociacioni i Gazetarëve të Kosovës është shprehur i shqetësuar pasi u pengua puna e emisionit “Klan O Bus” të Klan Kosovës derisa po transmetohej nga Drenasi.

Emisioni veror i televizionit Klan Kosova, që po transmetohej direkt nga Drenasi është ndërprerë, të mërkurën mbrëma. Deri tek ndërprerja ka ardhur pasi që në drejtim të moderatorëve të emisionit po hidheshin gjësende nga publiku, që përbëhej kryesisht nga fëmijë.

“AGK-ja është e shqetësuar me pengimin në detyrë të gazetarëve të këtij televizioni dhe pret nga publiku i përgjithshëm që të respektojë punën e medias, sidomos kur ajo kryhet në pronë publike dhe me lejet përkatëse”./Fokusi.info/