Flamujt e Kombeve të Bashkuara (OKB) në mbarë botën u ulën në gjysmë shtizë sot në kujtim të 101 anëtarëve të stafit të vrarë në Gaza.
Punonjësit e OKB-së mbajtën një minutë heshtje për të nderuar kolegët e tyre nga Agjencia e Kombeve të Bashkuara për Ndihmën dhe Punën për Refugjatët Palestinezë në Lindjen e Mesme (UNRWA) që vdiqën në luftë.
“Numri i vdekjeve të UNRWA, tashmë më i larti në historinë e OKB-së, vazhdon të rritet”, thuhet në deklaratë, transmeton Telegrafi.
Të vrarët ishin në mesin e 13 mijë punonjësve të UNRWA-s që punonin në Gaza, shumë prej të cilëve u vranë me familjet e tyre.
Agjencitë e OKB-së në Lindjen e Mesme, Afrikë, Azi dhe në mbarë BE-në kanë postuar foto të flamujve të ulur në ndërtesat e zyrave të tyre në mediat sociale.
