Qendra e Kontrollit dhe e Parandalimit të Epidemive e Kinës deklaroi se ka nisur prodhimin e vaksinës kundër koronavirusit të ri.
Tani virusi është veçuar dhe po kryhet procesi i identifikimit të llojit për kultivim për prodhimin e vaksinës.
Kërkuesit thanë se po testojnë gjithashtu ilaçet kundrejt pneumonisë së shkaktuar nga ky virus dhe po studiojnë ndryshimin e virusit, informon Radio e Jashtme e Kines.
Priten raste te reja
Shkencëtarët kinezë kanë zbuluar koronavirusin e ri që shkakton pneumoninë në 33 nga afro 600 mostrat e marra nga një treg i produkteve të detit në Wuhan, epiqendra e epidemisë.
Shumica e mostrave ishin nga një zonë e tregut ku shiteshin kafshë të egra.
Kryetari i bashkisë së Wuhan-it Zhou Xianwang thotë se në ditët në vijim pritet të konfirmohen raste të tjera:
“Në spitale janë duke u trajtuar 2209 raste të dyshuara dhe 643 veta janë në karantinë. Kështu që ka afro 2700 raste të pakonfirmuara. Vlerësohet se 45 për qind e këtyre rasteve do të konfirmohen, kështu që ka mundësi të konfirmohen 1000 raste.”
Ka mbi 600 raste të konfirmuara në Wuhan deri në mëngjesin e së dielës. 40 pacientë janë shëruar dhe 45 të tjerë kanë vdekur, informon CRI
/Ora News.tv/
