Ushtruesi i detyrës së kryetarit të OVL-UÇK-së, Faton Klinaku, i ka reaguar kryeministrit Albin Kurti, i cili sot ka kritikuar idenë e shkëmbimit të territoreve, duke thënë se kjo do të mund të sillte luftë.
Sipas Klinakut, është e kundërta.
Në profilin e tij në “Facebook”, Klinaku ka shkruar se Asociacioni i Komunave me Shumicë Serbe mund të sjell luftë.
“Pikërisht është e kundërta: Asociacioni i komunave me shumicë serbe mund të sjell luftë”, ka shkruar Klinaku.
Në një intervistë për gazetën austriake “ZIB 2”, kryeministri Albin Kurti ka komentuar sërish idenë e shkëmbimit të territoreve, duke thënë se ajo është “një recetë për luftë e gjakderdhje”.
“Çfarë do të mund të ndihmonte në rajon për siguri dhe pajtim, është një balancë apo simetri në të drejtat e minoriteteve, ndërsa shkëmbimi i territoreve është një recetë për luftë dhe gjakderdhje”, ka thënë Kurti.
