Laura Fazliu ka siguruar medalje në Mastersin e xhudos që po mbahet në Jerusalem.
Laura Fazliu, garon në kategorinë deri 63 kilogramë, ka arritur në finale të Mastersit, duke mposhtur në gjysmëfinale izraeliten Gili Sharir, medalisten e bronztë olimpike e botërore.
Fazliu ka realizuar dy hedhje ndaj Sharirit, dhe ka siguruar kalimin në finale të turneut të madh.
Ajo ka siguar medaljen e argjendtë.
Të martën për Kosovën fitoi medaljen e artë Distria Krasniqi, ndërsa Nora Gjakova doli e pesta, kurse Lorian Kuka pritet të garojë të enjten.