Një fëmijë i moshës 4 vjeçare ka vdekur pasi ka rënë në bunar.
Rasti ka ndodhur në fshatin Bajnicë të Kaçanikut sot rreth orës 11:15.
Lajmin e ka konfirmuar zëdhënësi i Policisë së rajonit të Ferizajt, Kanun Veseli.
“Policia Rajonale e Ferizajt ka pranuar një informacion se sot rreth orës 11:15 në fshatin Bajnicë, në rrugën ” Natyra” të Kaçanikut, një femijë mashkull moshës 4 vjeç ka rënë në një pus (bunarë) . Menjëherë Policia, Emergjenca , si dhe Zjarrfikesit kanë dalur në vendin e ngjarjes, por për pasojë trupi i tij është nxjerrur pa shenja jete, kjo e konfirmuar nga mjekët kujdestar. Në lidhje me këtë ështe njoftuar edhe prokurori kujdetar nga Prokuroria Themelore e Ferizajt”, tha Veseli./Fokusi.info/
