Cikloni dytësor nga cikloni kryesor “Elli” që po kalon mbi Evropën Qendrore do të shtrihet edhe mbi rajonin tonë gjatë ditëve të ardhshme, bën të ditur Prishtina Weather.
Shërbimi i meteorologjisë njofton se “ky ciklon pritet të sjellë vranësira, e nga pasditja e ditës së premte dhe në fundjavë priten reshje të reja shiu. Reshjet pritet të jenë më intensive ditën e shtunë. Në vise malore do të ketë vetëm reshje bore. Ditën e diel reshjet pritet të pushojnë, derisa temperaturat do të pësojnë rënie përreth vlerave mesatare”.
Sipas PW, “vlerat e cilësisë së ajrit do të luhaten ndërmjet vlerave mesatare dhe të mira, e gjatë orëve të mbrëmjes kohë pas kohe mund të rriten në vlera të pashëndetshme”.
Parashikimi për periudhën 6-7 mars:
6.03.2020 – Kryesisht me vranësira. Në mëngjes ftohtë, mundësi për riga lokale shiu. Ditën më butë. Pasdite dhe në mbrëmje priten reshje të dobëta shiu. Do të fryjë erë mesatare dhe mesatarisht e fuqishme nga juglindja 4-12m/s. Indeksi UV: 3.
7.03.2020 – Kryesisht vranët me mot të butë. Paradite riga lokale shiu. Pasdite dhe në mbrëmje me shi. Vende-vende reshjet mund të jenë më intensive. Në vise kodrinore-malore borë. Gjatë mbrëmjes më ftohtë. Paradite do të fryjë erë e lehtë dhe mesatare nga krahu jugor 2-7m/s, e nga orët e pasdites do të fryjë erë mesatarisht e fuqishme verilindore 7-12m/s . Indeksi UV: 2.
