Një 60 vjeçar ka humbur jetën pasi ka pësuar një atak kardiak gjatë kohës që ishte duke drejtuar makinën.
Sipas policisë, ngjarja ka ndodhur mesditën e sotme në afërsi të Fushë-Prezës në Tiranë, kur viktima i identifikuar A.S ka pësuar sulmin në zemër, duke humbur si rrjedhoje edhe kontrollin e makinës. Mjeti ka dalë nga rruga.
“Më datë 08.12.2020, rreth orës 15:45, në rrugën e “ Fush Prezes ”, në afërsi të Urës së Gjolës, shtetasi A.S. rreth moshës 60- vjeçare nën drejtimin e mjetit “Mercedez Benz” dyshohet se si pasojë e arrestit kardiak ka humbur kontrollin duke dalë jashtë rruge”, njofton Policia.
Sakaq grupet hetimore kanë nisur menjëherë punën për sqarimin e rrethanave të ngjarjes dhe përcaktimin e shkakut e humbjes së jetës.
