Partia Socialdemokrate e Kosovës ka mbajtur sot aksion para Qeverisë së Kosovës, kundër “Zajednicës” së pranuar nga kryeministri Kurti.
Kryetari i Partisë Socialdemokrate, Dardan Molliqaj, ka akuzuar kryeministrin Albin Kurti se përmes pranimit të draftit të statutit të Asociacionit ka zhbërë pavarësinë e Kosovës.
Përmes një aksioni simbolik, Molliqaj së bashku me kolegët e tij partiak vendosën më ndërtesën e Qeverisë një flamur të ri me vetëm dy yje, që sipas tyre paraqet realitetin në Kosovë, pas pranimit të Asociacionit.
Sipas Molliqajt, flamuri i Kosovës nuk mund të jetë më i njëjtë. /Lajmi.net/
