Kryeministri Albin Kurti sot do të pret në takim kryeministrin në detyrë të Malit të Zi, Dritan Abazoviq.Takimi mes homologëve është planifikuar të nisë nga ora 9, në ndërtesën e Qeverisë.
Në takimin ndërmjet dy kryeministrave, i paraparë për në orën 09:00, Kurti dhe Abazoviq do të nënshkruajnë marrëveshjen bilaterale për korridorin e qiellit të hapur, me të cilin parashihet lejimi i shfrytëzimit të hapësirës ajrore të Malit të Zi nga aeroplanët që fluturojnë nga Aeroporti i Prishtinës.
Pas takimit, të dy do të dalin në konferencë për media.
Abazoviq po qëndron në Kosovë në një vizitë treditore. Ai sot po ashtu do të takohet me kryetarin e Komunës së Prishtinës, Përparim Rama.
