Një person është plagosur në fshatin Isniq të Deçanit dje rreth orës 15:00.
Rastin e ka konfirmuar Policia e Kosovës përmes raportit 24 orësh.
Në raport bëhet e ditur se pas një konflikti të çastit, i dyshuari ka shtënë me armë zjarri në drejtim të viktimës dhe e ka plagosur në këmbë.
Viktima është duke u trajtuar në spital dhe mjeku kujdestar ka njoftuar se është jashtë rrezikut për jetë.
Të dyshuarit i është konfiskuar arma e zjarrit me tre fishekë dhe me urdhër të prokurorit është dërguar në mbajtje.