Një grua nga Iowa që besohet të jetë personi më i vjetër në SHBA ka vdekur në moshën 115 vjeçare , pasi ka përjetuar ngjarje historike nga dy Luftërat Botërore, gripi spanjoll, Depresioni i Madh dhe pandemia Covid-19.
“Bessie Hendricks vdiq të martën në një shtëpi pleqsh në Lake City”, tha Lampe & Powers Funeral Home.
Hendricks lindi më 7 nëntor 1907 dhe u regjistrua nga Grupi i Kërkimeve Gerontologjike të Los Anxhelosit si personi më i vjetër në Shtetet e Bashkuara. Ajo ishte një mësuese shkolle me një dhomë në qytetin e saj të lindjes në Calhoun dhe kishte pesë fëmijë, tre prej të cilëve janë ende gjallë, sipas USA Today.
Kur mbushi 112 vjeç, ajo u tha mediave lokale se sekreti i jetëgjatësisë së saj ishte “puna e palodhur”. Vajza e saj tha në atë kohë se Hendricks pothuajse kurrë nuk merrte ilaçe dhe i pëlqenin ëmbëlsirat.
Në ditëlindjen e saj të 115-të, shtëpia e të moshuarve Shady Oaks ku ajo banonte tha se ajo ” pati një ditë të mrekullueshme duke festuar me familjen dhe miqtë”.
Me vdekjen e Hendrix, personi më i vjetër i gjallë në SHBA është tani Eddie Ceccarelli nga Kalifornia, i cili do të mbushë 115 vjeç më 5 shkurt. /abcnews.al
