Komuna e Vushtrrisë për disa ditë me radhë po prin për nga numri i rasteve të reja me koronavirus, e cila tani renditet e treta në Kosovë, për nga komunat më të prekurat.
E para është Prizreni me 134, njëjtë edhe Ferizaji ,e 134 raste dhe e treta Vushtrria me 89 raste të konfirmuara.
Deri dje, Komuna e Prishtinës ishte e treta në listë me 86 raste, por me konfirmimin e 14 rasteve të reja, Vushtrria ia kalon Prishtinës.
Komuna e Vushtrrisë si duket do të jetë vatra e re e përhapjes se infeksionit të Covid-19.
Në mesin e të infektuarve në Vushtrri ka edhe personel shëndetësorë./Gazeta Sinjali
