nstituti Kombëtar i Shëndetësisë Publike të Kosovës (IKShPK) ka bërë të ditura shifrat e 24 orëve të fundit në betejën e vendit me pandeminë e Covid-19shit.
Sipas IKShPK-së janë regjistruar vetëm 99 raste të reja, ndërkohë që 152 janë shëruar.
Por, lajm shumë të keq përbën numri i të vdekurve i cili është 13 sosh, shkruan Periskopi.
Përsëri në Prishtinë janë regjistruar rastet më të shumta, me gjithsej 24 ndërkohë që në vend të dytë është Peja me 19.
Statusi i plotë:
152 TË SHËRUAR DHE 99 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR dhe në laboratoret private, janë testuar gjithsej 406 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 99 raste pozitive. Brenda 24 orëve janë raportuar 13 raste të vdekjes me SARS CoV-2 pozitiv.
Numri total i rasteve pozitive është 12.547 raste nga 47.761 persona të dyshimtë në virusin SARS-CoV-2 dhe 480 raste të vdekjes.
Gjatë 24 orëve të fundit, janë shëruar 152 pacientë derisa numri i përgjithshëm i të shëruarve deri më sot është gjithsej 8.657 raste, kurse numri i rasteve aktive është 3.410.
Rastet pozitive janë nga: komuna Prishtinë 24 raste, komuna Pejë 19 raste, komuna Gjilan 13 raste, komuna Podujevë 6 raste, komuna Prizren 6 raste, komuna Kaçanik 5 raste, komuna Viti 4 raste, komuna Ferizaj 3 raste, komuna Fushë Kosovë 3 raste, komuna Lipjan 3 raste, komuna Malishevë 2 raste, komuna Vushtrri 2 raste dhe me nga një rast komunat Deçan, Dragash, Drenas, Graçanicë, Kamenicë, Klinë, Mitrovicë, Rahovec dhe Suharekë.