Sot janë bërë 24 vjet nga rënia e dëshmorëve të kombit: Avni (H) Klinaku, Januz Jashari, Enver Tahiri dhe Mehdi Fazliu, shkruan Fokusi.info.
Në këtë rast, janë bërë homazhe në varrezat e dëshmorëve në fshatin Stanoc të Vushtrrisë.
Dëshmorët: Avni (H) Klinaku, Januz Jashari dhe Enver Tahiri ishin ushtarë të Batalionit të Parë të Brigadës 142 të Zonës Operative të Shalës të UÇK-së. Kurse, dëshmori Mehdi Fazliu ishte ushtar i Brigadës 114 “Fehmi Lladrovci” të Zonës Operative të Drenicës.
Ata ranë së bashku gjatë luftimeve në malet e Çyçavicës, në krye të detyrës, në mbrojtje të popullatës civile më 18 prill 1999./Fokusi.info/
