Shumë qytetarë të Kosovës janë ankuar për faturat e dhjetorit të energjisë të cilat i kanë marrë tashmë.
Për këtë ka shkruar edhe kryetari i Lidhjes Demokratike të Kosovës (LDK), Lumir Abdixhiku, i cili ka publikuar një tabelë sa ishte çmimi i energjisë elektrike para Qeverisë Kurti dhe sa është tani.
Kreu i LDK-së ka thënë se çmimi është rritur 3 herë për 3 vjet.
”Tarifat e energjisë elektrike, herën e fundit, janë rritur nga prilli i këtij viti. Para kësaj, ishin rritur edhe dy herë të tjera. Pra gjithsejtë 3 herë për 3 vjet. Gjendja e tanishme është produkt i mosnjohjes së realitetit qytetar në vend. Siç dhe thoshin vet, ‘qytetarët po shpenzojnë shumë sepse rryma është e lirë”.
“Do të gjejnë arsyetime; do të ju mbushin me ankesa, nga privatizimi e deri tek luftërat nëpër botë, por e vërteta e vetme është si më poshtë. Paaftësia kushton! Shiheni vet”, ka shkruar Abdixhiku në Facebook.
