Kuvendi Zgjedhor i Lidhjes Demokratike të Kosovës, ka emëruar dhe organet e reja të partisë, ndërsa Adnan Merovci, ish-bashkëpunëtorin e ish-presidentit Ibrahim Rugova, është zgjedhur anëtar i ri i Këshillit të Përgjithshëm i këtij subjekti.
Këtë Merovci e kuptoi në studion e Klan Kosovën, sa ishte mysafir i edicionit special të sotëm kushtuar zgjedhjeve të brendshme të LDK-së.
Lidhur me këtë detyrë të re, ai ka thënë se e pranon me kënaqësi.
”E pranoj me kënaqësi këtë detyrë. Është folë, është lakuar emri im por nga të brendshmit nuk kam pritur që zgjidhet. Nëse është mëse e vërtetë, atëherë ndeja ime këtu është konflikt interesi”.
Veç Adnan Merovcit, anëtar i ri i Këshillit të Përgjithshëm u zgjodh edhe i biri i ish-presidentit Ibrahim Rugova, Ukë Rugova.