Një aksident rrugor ka ndodhur mbrëmjen e sotme në Ballsh.
Një drejtues motoçikletë duke ecur ne rrugën Fratar -Ballsh është përplasur nga një automjet dhe si pasojë ka përfunduar në asfaltin e rrugës duke i shkaktuar plagë të rënda në trup, shtetasit Jonuz Mucaj, rreth 45 vjeç.
Mësohet se nga kjo përplasje drejtuesi i motoçikletës ka pësuar dëmtime të forta.
“BalkanWeb”, bazuar në burimet brenda spitalit raporton se dëmtimet e rëndë të 45-vjeçarit kanë detyruar mjekët që t’i presin njërën këmbë.
Policia ka shkuar menjëherë në vendin e ngjarjes dhe ka nisur hetimin për zbardhjen e saj, ndërkohë që drejtuesi mjetit është shoqëruar në polici.
