Një aksident i rëndë ka ndodhur në aksin që lidh Korinthin me Qiaton në Greqi.
Mësohet se drejtuesi i një automjeti, një shtetas shqiptar ka humbur kontrollin dhe pasi është përplasur me murin, ka bërë disa rrotullime dhe ka përfunduar në bregun e detit.
Si pasojë, shqiptari 39 vjeçar Jani Beqiri ka mbetur i vdekur.
Sakaq, për të nxjerrë trupin e tij nga llamarinat u desh ndërhyrja e forcave zjarrfikëse.
Tashmë trupi i 39 vjeçarit ndodhet në morgun e Korinthit, ndërsa policia ka nisur hetimet lidhur me rrethanat e aksidentit.