Gjatë ditës së djeshme u shënua përvjetori i masakrës së Mejës, ku mbetën të vrarë 376 persona.
E për këtë tragjedi ka shkruar edhe mediumi i njohur “Al Jazeera” Ata intervistuan disa nga familjarët e të masakruarve.
Muharrem Alijaj ka rrëfyer se në po të njëjtën masakër kishte humbur babain e tij.
“Unë humba babain në masakër. Ishte ditë e rrezikshme, ata mund të më kishin marrë edhe mua, por faleminderit Zotit që unë shpëtova.”, u shprehë Muharremi në kompleksin memorial në Mejë.
Ai ende e kujton momentin kur e pa babain e tij për herë të fundit.
“Ai na shikoj neve i mërzitur. Por ai ishte paksa i lumtur që nuk më morën mua – të paktën njëri nga ne do të shpëtonte. Por prapë ai ishte i mërzitur”, tha Muharremi.
Njëri nga viktimat e masakrës ishte edhe Sali Alijaj. Motra e tij tashmë 92 vjeçare, Sofe e kujton momentin tragjik kur ata ia morën vëllain.
“Unë nuk do ta harroj kurrë vëllain tim. Ai ishte duke vozitur traktor dhe serbët e rrethuan atë. Unë i kisha të fshehur dy nipat e mi me rrobat e mija. Njëri nga ta ishte djali i vëllait tim që e morën serbët. Ata që kanë vdekur gjithmonë do të kujtohen. Çdo njëri që ka humbur dikë në luftë e ka një plagë në zemër. Ju mësoheni të jetoni ashtu edhe pse është e vështirë”, u shprehë Sofe.
Shemsie Hoxha, 60 vjeçare, humbi burrin e saj dhe dy djemtë në masakër.
“Djali më i ri ishte 16 vjeç dhe ata e morën atë nga duart e mija. Djali më i vjetër ishte 18 vjeçar, ndërsa burri ishte 44 vjeç. Ardiani, që ishte më i riu ishte shumë i gjatë dhe ata e morën nga duart e mija. Unë insistova që djali imë është shumë i ri dhe mos ta marrin por ata më rrahën dhe e morën atë.”, u shprehë 60 vjeçarja.
Pranvera sjell kujtime të dhimbshme në Kosovë. Shumica e krimeve nga forcat serbe ndodhën gjatë kësaj kohe.
Janë bërë 20 vite nga përfundimi i luftës dhe ende fati i 1650 njerëzve të humbur ende nuk dihet.
