Dje Policia e Kosovës në Shtërpcë ka konfiskuar 500 monedha 2 euroshe që dyshohet se ishin të falsifikuara, një qytetar ishte nisur për të paguar faturën e shpenzimeve të energjisë elektrike në KEDS.
Sipas njoftimit të Policisë një zyrtare e KEDS-it ka informuar që një klient kishte kryer pagesë me këto monedha.
Policët hetues të stacionit në Shtërpcë, menjëherë kanë dalë në vendin e ngjarjes dhe kanë identifikuar personin G.I (M/K) i moshës 48 vjeçar, i cili është shoqëruar në stacionin e policisë në Shtërpcë dhe pas intervistimit nga policët hetues, me vendim të prokurorit kujdesatar nga Prokuroria Themelore në Ferizaj është liruar për procedura tjera hetimore, ndërsa monedhat e metalta janë konfiskuar” – thuhet në njoftimin e Policisë së Kosovës.
Rasti është cilësuar ‘’Falsifikim i parasë’’.
Njoftimi i plotë
Monedha të falsifikuara në Shtërpcë
Me datën 30.11.2023 rreth orës 13:50 policia në Shtërpcë ka pranuar një informacion nga Kompania Kosovare për Distribuim me Energji Elektrike në Kosovë sh.a. (KEDS), dega në Shtërpcë, se një person ka sjellë monedha metalike të dyshuara si të falsifikuara, 500 monedha nga 2 euro ( njëmijë euro) për të paguar faturën e energjisë elektrike.
Policët hetues të stacionit në Shtërpcë, menjëherë kanë dalë në vendin e ngjarjes dhe kanë identifikuar personin G.I (M/K) i moshës 48 vjeçar, i cili është shoqëruar në stacionin e policisë në Shtërpcë dhe pas intervistimit nga policët hetues, me vendim të prokurorit kujdesatar nga Prokuroria Themelore në Ferizaj është liruar për procedura tjera hetimore, ndërsa monedhat e metalta janë konfiskuar./Fokusi.info/