Beqa: I bëjë thirrje Prokurorisë të hetohet rasti në të cilin keqpërdoret emri im

0
85

Deputeti i Kuvendit të Kosovës nga radhët e PDK-së, Hajdar Beqa, ka reaguar lidhur me emisionin “Drejtësia në Kosovë”, ku siç thotë ai me qëllim po i njollosin personalitetin e tij.

Përmes një postimi në Facebook, Beqa ka bërë me dije se me përgjegjësi morale e juridike, ai nuk ka të bëjë asgjë me këtë proces.

Reagimi i plotë i tij:

Të nderuar qytetarë,

Sonte në emisionin “Drejtësia në Kosovë” me qëllim të njollosjes së personalitetit tim, pa të drejtë mu përmend emri im, kinse unë kam ndikuar në prishjen e një ankandi, në të cilin pretendojnë që vëllau im paska tentuar të bëhet aksionar.

E them me përgjegjësi morale e juridike, që unë nuk kam të bëjë asgjë me këtë proces, dhe dy personat e ashtuquajtur biznesmen kanë keqpërdorur emrin tim.

Une i bëj thirrje Prokurorisë se sa me shpejtë që është e mundur ta hetojnë këtë rast.