Presidenti i SHBA-së Joe Biden dhe presidenti ukrainas Volodymyr Zelensky kanë zhvilluar sot një bisedë telefonike për sanksionet ndaj Rusisë dhe ndihmën e mbrojtjes.
Shtëpia e Bardhë konfirmoi se takimi u zhvillua nga ora 11:52 deri në 12:32 pasdite me orën amerikane.
Presidenti ukrainas ndau detaje të takimit përmes llogarisë së tij zyrtare në Twitter, duke thënë: “Forcimi i sanksioneve, ndihma konkrete për mbrojtjen dhe një koalicion kundër luftës sapo janë diskutuar me presidenti amerikan. Faleminderit SHBA për mbështetjen e fortë ndaj Ukrainës”, shkruan Zelensky.
Strengthening sanctions, concrete defense assistance and an anti-war coalition have just been discussed with @POTUS. Grateful to 🇺🇸 for the strong support to 🇺🇦!
— Volodymyr Zelenskyy / Володимир Зеленський (@ZelenskyyUa) February 25, 2022
Biseda vjen pasi Zelensky, i cili është ende në Kiev, mbajti një fjalim gjatë natës duke thënë se Ukraina ishte e vetme në mbrojtjen e vendit të saj.
“Kush është gati t’i japë Ukrainës një garanci për anëtarësim në NATO? Sinqerisht, të gjithë kanë frikë,” tha Zelensky. Sot pyeta 27 liderë evropianë nëse Ukraina do të jetë në NATO, pyeta drejtpërdrejt. Të gjithë kanë frikë, nuk përgjigjen, por ne nuk kemi frikë”.