Presidenti i SHBA-ve, Joe Biden pritet të rrisë presionin ekonomik ndaj homologut të tij rus, Vladimir Putin të premten duke bërë thirrje për përfundimin e marrëdhënieve normale tregtare me Rusinë.
Masa, e raportuar nga ‘Reuters’ dhe ‘Bloomberg’, duke cituar burime anonime të administratës së Bidenit, do të hapë rrugën për rritjen e tarifave për importet ruse dhe vjen në krye të sanksioneve të përhapura dhe vendimit të kësaj jave për të ndaluar importet e naftës nga Rusia nga SHBA dhe Mbretëria e Bashkuar.
“Heqja e statusit të Rusisë për marrëdhënie të përhershme normale tregtare do të kërkojë një akt të Kongresit”, tha një zyrtar i lartë i administratës.
Por, ligjvënësit në të dy dhomat e Kongresit kanë shprehur mbështetje për një lëvizje të tillë.
Nxjerrja jashtë ligjit e të gjithë tregtisë së SHBA-së me Rusinë do të thellonte problemet tashmë serioze ekonomike me të cilat përballet regjimi i Putinit.
