Gjatë qëndrimit në Bratislavë, ministri në Detyrë për Europën dhe Punët e Jashtme, Gent Cakaj, zhvilloi një takim me zëvendëssekretarin e përgjithshëm të NATO-s, Mircea Geoana.
Gjatë takimit bashkëbiseduesit ndanë pikëpamje lidhur me kontributin e NATO-s në stabilizimin dhe zhvillimin e rajonit, si dhe kontributin ushtarak e teknik të Shqipërisë në NATO.
“Theksuam edhe një herë përkushtimin për arritje të objektivit 2% në shpenzimet e mbrojtjes deri në 2024″, thekson Cakaj.
Po ashtu, diskutimi u përqendrua në prioritetet e Shqipërisë gjatë Kryesisë së OSBE-së dhe nevojën për vazhdimin e komunikimit të shkëlqyer në shërbim të vlerave e interesave të përbashkëta./atsh
