Daka: Mbi 46.90% e qytetarëve dolën në votime, Kosova dha shembull si duhet organizuar zgjedhjet

328

Komisioni Qendror Zgjedhor ka mbajtur një konferencë për media pas mbylljes së vendvotimeve anembanë territorit të Kosovës.

Me këtë rast, kryetarja e Komisionit Qendror Zgjedhor, Valdete Daka ka deklaruar se pas mbylljes së të gjitha vendvotimeve tani po zhvillohet procesi i numërimit të fletëvotimeve.

“Nga 98.3% numri i qytetarëve që kanë votuar është 46.90%, mbi 820 mijë votues.Në zgjedhjet e vitit 2019 kishin votuar 44.18% apo 812 mijë e 49 votues.Të dhënat e detajuara të pjesëmarrjes në zgjedhje janë në linkun e KQZ-së”, tha Daka.

Tutje ajo shtoi se është e lumtur se sot Kosova tregoi shembull se si duhet organizuar zgjedhjet pavarësisht sfidave të shumta.

“Falënderoj qytetarët e Republikës së Kosovës që në këtë ditë dhanë shembull të një kulture të lartë demokratike, poashtu edhe subjektet politike që treguan kujdes për procesin zgjedhor për ditën e sotme.Inkurajoj të gjithë të zbatojnë të gjitha procedurat e e nevojshme gjatë numërimit të votave”, shtoi ajo.