Një dron ukrainas ka shkatërruar dy anije patrullimi ruse në Detin e Zi, tha shefi ushtarak i Ukrainës, shkruan Fokusi.info.
“Dy varka ruse të klasës Raptor u shkatërruan në agimin e sotëm pranë ishullit Zmiinyi (Gjarpri)”, tha shefi i Shtabit të Përgjithshëm, Valeriy Zaluzhniy.
Pamjet e paverifikuara të dronit të publikuara nga ushtria ukrainase duket se tregojnë dy anije që janë shënjestruar nga raketat nga ajri derisa po patrullonin në Detin e Zi.
Droni raportohet të ketë qenë Bayraktar, ndërsa Moska ende nuk ka folur rreth këtij lajmi./Fokusi.info/
