Një ngjarje e rëndë ka ndodhur ditën e sotme në fshatin Livadhja të rrethit të Sarandës.
Një grua 52 vjeçare ka vdekur në mënyrë aksidentale.
Shkaku i vdekjes së gruas, është bërë shkëputja e një masivi shkëmbor në këtë zonë, ndërsa gruaja ka qenë duke kullotur bagëtitë.
Nuk bëhet i ditur identiteti i viktimës ndërkohë.
Prokuroria ka ngritur grupin hetimor i cili po kryen veprime të mëtejshme proceduriale.
Njoftimi i policisë:
“Sarandë/ Paraprake
Rreth orës 15:15, në fshatin Zmines, Livadhja, si pasojë e shkëputjes së një masivi shkëmborë, ka gjetur vdekjen në mënyrë aksidentale shtetësia S.F., 52 vjeçe, e cila ka qenë duke kullotur bagëtitë.
Grupi hetimor po kryen veprimet e mëtejshme proceduriale“.