Ish-deputeti i Vetëvendosjes, dhe i PSD-së, Fisnik Ismaili po kërkon 10 mijë ‘like’ për t’u kthyer në Lëvizjen Vetëvendosje.
Ai përmes një shkrimi ka ironizuar jo pak duke thënë se nëse bëhen këto ‘like’ në stausin e një mikut të tij që ka të njëjtën kërkesë për përdoruesit e Facebook, do të kthehej në VV, po me kusht që të reagojë publikisht, pas deklaratave të tilla si ajo e Salih Zybës për Shpend Ahmetin.
“Nëse Nexhi i merr 10,000 llajka në postimin e tij, kthehem në Lëvizje, por me një kusht: sa herë bajnë Salih Zyba e do tjerë gjeste të ulëta që nuk i përkojnë një pushtetari, qoftë edhe jopublike (në ndoj mledhje, a najsen) unë me reague publikisht, edhe me i ba horë”, ka shkruar Ismaili.
Ismaili ka dhënë indikacione të qarta që po largohet nga PSD’ja pasi nuk mori vota të mjaftueshme për deputet.
Para dy ditëve Ismaili duke i kthyer përgjigjen një komentuesi kishte thënë se pas largimit nga Lëvizja Vetëvëndosje është dashur të dorëzojë mandatin dhe të largohet nga jeta politike
