Francezët të interesuar për investime në energji me erë në Kosovë

0
374

Projekti për energji të ripërtëritshme (mullinj me erë) do të realizohet në Çyçavicë, në të cilën do të përfshihet edhe Komuna e Drenasit.

Projekti është pjesë e memorandumit të nënshkruar vitin e kaluar nga kryetarët e pesë komunave: Drenas, Skenderaj, Obiliq, Vushtrri dhe Mitrovicë, sipas së cilit Çyçavica është shpallur Zonë me Interes të Veçantë.

Një memorandum i nënshkruar vitin e kaluar nga kryetarë të katër komunave që gravitojnë bjeshkët e Çyçavicës, Drenas, Skenderaj, Vushtrri dhe Obiliq dhe ai i Mitrovicës, sipas së cilit Çyçavica është shpallur Zonë me Interes të Veçantë, mund të rezultojë me investimet e para në këtë pjesë, pasi që një kompani e Francës ka siguruar një investim prej 122 milionë eurosh.

Projekti parashikohet të realizohet në Qyqavicë, ku do të përfshihet edhe komuna e Drenasit dhe ka të bëjë me projektin e prodhimit të energjisë së ripërtërirë (mullinj me erë).

Lidhur me këtë, kryetari i Komunës së Drenasit, Ramiz Lladrovci ka pritur në takim Ambasadorin e Francës në Kosovë, Didier Chabert, ku janë diskutuar çështje të rëndësishme për investime që mund të zhvillohen në Komunën e Drenasit.

Francezët të interesuar për të investuar në energji erë në Kosovë

Ambasadori francez ka njoftuar se një kompani franceze dëshiron të investojë në projektin për energji të ripërtritshme, mullinj të erës, në vlerë prej 122 milionë euro në lokacionin e Çyçavicës, ku do të përfshihet edhe territori i Komunës së Drenasit.

Ai ka kërkuar që t’i jepet mundësi bizneseve franceze në mënyrë që të mos shkojnë në vende të tjera, por të vijnë dhe të investojnë në Kosovë.

Kryetari Lladrovci ka njoftuar të pranishmit se pesë komunat që përfshihen në zonën e Çyçavicës, vitin e kaluar kanë nënshkruar memorandum bashkëpunimi dhe e kanë ratifikuar këtë memorandum në asambletë e tyre, në mënyrë që kjo pjesë të jetë zonë me interes të veçantë.

Lladrovci ka shtuar se duhet shikuar mundësitë nëse lejohet ndërtimi i mullinjve të erës në këtë pjesë, duke u pajtuar edhe me kryetarët e komunave tjera që janë pjesë e memorandumit, pasi që është menduar se përveç që do të jetë zonë e turizmit, në këtë pjesë është menduar që të ndërtohet edhe një spital rajonal i mushkërive.

Në fund kryetarit Lladrovci, ka falënderuar ambasadorin për vizitën dhe kontributin që Franca ka dhënë për shtet formimin e Kosovës si dhe mbështetjen që i ka dhënë bizneseve franceze në Kosovë.

Lladrovci ka shtuar se komuna i ka dyert e hapura për investimet franceze në Kosovë.