Nënkryetari i LDK-së, Lutfi Haziri, pas nënshkrimit të marrëveshjes për krijimin e Qeverisë tha se u bë ajo që kishte thënë dikur se emri i kryeministrit kalon nëpër zyrat e LDK-së.
Përmes një postimi në Facebook, Haziri ka thënë se është i lumtur që LDK arriti marrëveshjen finale me VV pas një procesi jo të lehtë.
Postimi i plotë i tij:
Ia patëm premtuar popullit që emri i kryeministrit kalon nëpër zyrat e LDK’së. Jam jashtëzakonisht i lumtur që pas një procesi jo të lehtë, LDK tashmë ka arritur marrëveshjen finale me LVV. Është shumë e rëndësishme që LDK i ka ruajtur parimet dhe konsistencën në qëndrime. Koalicioni i Shpresës u bë realitet. Na presin punë të mëdha për Kosovën, për njerëzit e saj!
