Policia e Kosovës ka bërë të ditur se një person ka humbur jetën pasi është rrëzuar nga rimorkio e traktorit.
Rasti ka ndodhur të hënën në ora 13:00 në fshatin Korminjan i Poshtëm, Ranilug.
“Raportohet se viktima mashkull kosovar është rrëzuar nga rimorkio e traktorit dhe si pasojë ka humbur jetën”, thuhet në raport.
Një i dyshuar mashkull kosovar është arrestuar.
Me vendim të prokurorit, trupi i pa jetë i viktimës është dërguar në IML për obduksion, ndërsa i dyshuari është dërguar në mbajtje.
