Kanë kaluar më shumë se dy muaj që kur kanë përfunduar zgjedhje dhe ende një marrëveshje mes Vetëvendosjes si partia fituese e zgjedhjeve dhe LDK-së si partia e dytë, nuk po shihet gjëkundi.
Palët sa dukej që kishin afruar qëndrimet e tyre, ditëve të fundit veçse kanë betonuar ato.
Mirëpo përkundër kësaj situate, FaktePlus mëson nga burimet e saja se po realizohen disa negociata që votat për president të jenë të sigurta me partinë e Behgjet Pacollit , AKR-në dhe atë të Fatmir Limajt, Nisma Socialdemokrate.
AKR për këtë po kërkon 2 ministri dhe një zëvendëskryeministër, po aq edhe Nisma e Fatmir Limajt, thotë ky burim.
Kujtojmë se këto dy parti në zgjedhjet e tetorit ishin në koalicion parazgjedhor dhe së bashku kanë arritur të sigurojnë ulëse për gjashtë deputetë.
Këshilltari i Pacollit, Jetlir Zyberaj i kontaktuar nga FaktePlus as nuk e ka pohuar e as mohuar këtë gjë./FaktePlus/
