Komisioni Qendror i Zgjedhjeve sot pritet të shpallë rezultatet përfundimtare.
Pas një muaji nga mbajtja e zgjedhjeve të parakohshme parlamentare, Komisioni Qendror i Zgjedhjeve sot pritet të shpallë rezultatet përfundimtare.
Kjo për shkak se deri më tash asnjë ankesë nuk është parashtruar në Panelin Zgjedhor për Ankesa dhe Parashtresa (PZAP).
Zëdhënësi i KQZ-së, Valmir Elezi ka konfirmuar për lajmi.net se sot do të bëhet shpallja e rezultateve përfundimtare të zgjedhjeve të 6 tetorit.
“Po, sot në orën 10:30 do t’i shpallim rezultatet përfundimtare të zgjedhjeve të 6 tetorit”, ka thënë Elezi.
