Kryetari i Vushtrrisë, Ferit Idrizi, është kanosur nga një person, përmes telefonit.
Rastin e ka konfirmuar Idrizi, i cili ka thënë se rastin e ka raportuar në polici.
“Po është e vërtetë se jam kanosur nga një person përemes telefonit. E kam raportuar rastin në polici, kanosja lidhet me çështje punësimi në arsim”, ka thënë Idrizi.
Edhe Policia e Kosovës ka konfirmuar se kryetari i Vushtrrisë është kanosur përmes telefonit.
“Vushtrri 29.12.2023-14:25. Është arrestuar i dyshuari mashkull kosovar pasi që përmes telefonit ka kanosur viktimën mashkull kosovar. Me vendim të prokurorit i dyshuari është dërguar në mbajtje”, thuhet në njoftimin e policisë.
