Në mbështetje të kompetencave të saja kushtetuese dhe ligjore, presidentja e Kosovës Vjosa Osmani nesër në një ceremoni të veçantë do të gradojë gjeneralmajor Bashkim Jashari në gradën gjenerallejtënant.
Ceremonia do të mbahet në orën 10:00, njofton Zyra për media pranë Presidencës.
Bashkim Jashari u emërua nga presidentja Vjosa Osmani për komandant i FSK-së më 30 nëntor, pasi gjenerallejtënant Rrahman Rama dha dorëheqje.
Njoftimi i plotë:
Agjenda mediale e Presidentes Osmani për nesër (13 dhjetor 2021)
Në orën 10:00, Presidentja e Republikës së Kosovës, Vjosa Osmani duke u mbështetur në kompetencat e saj kushtetuese dhe ligjore, në një ceremoni të veçantë gradon Gjeneralmajor Bashkim Jashari në gradën Gjenerallejtënant.
Mediat mund të marrin pamje.
Vendi: Kabineti i Presidentes.