Votimi për ndryshimet e statutit në Asamblenë e Përgjithshme të EBU-së, që po mbahet në Oslo, ka përfunduar.
Ndryshimet në statut që do të ndihmonin hyrjen e Kosovës në Eurovizion nuk janë pranuar, dhe me këtë rast vendit tonë do t’i duhet të presë akoma për të debutuar në garën e Eurovizionit.
Ndryshimi themelor, i cili synonte hyrjen e Kosovës në EBU, ishte heqja e anëtarësimit në Bashkimin Ndërkombëtar të Telekomunikacionit si një parakusht për pranimin e një transmetuesi publik në EBU.
Para fillimit të votimit, Serbia, Greqia, Qipro dhe 16 shtete tjera, kërkuan që votimi të bëhet i fshehtë dhe kjo kërkesë e tyre ishte pranuar.
Nga 1186 votues, 673 votuan kundër, 400 pro dhe 113 abstenuan.
Zgjidhja e vetme për hyrjen e Kosovës në EBU është zgjidhja përfundimtare e problemeve të saj me Serbinë dhe anëtarësimin e saj në OKB.
