Për dëmet e shkaktuara në tokat bujqësore, Ministria e Bujqësisë ka paraparë kompenzimin edhe kompenzimin e tyre, i cili pritet të ndodh në ditët në vijim.
E për të ruajtur prodhimin në bujqësi, Faton Peci, Ministër i Bujqësisë, Pylltarisë dhe Zhvillimit Rural është angazhuar për sigurimin e disa aeroplanëve, përmes të cilëve synohet shpërndarja e reve në rast se merret sinjali për breshër nga Instituti Hidrometorologjik.
Peci ka folur për Expose për një projekt të tillë, i cili aktualisht është në fazën e parë të analizave dhe konsultimeve mbi planin operacional.
Ky ministër pohon se tashmë ka bërë një kërkesë në mekanizmat ndërkombëtar për të parë mundësitë e sigurimit të sistemit për parandalimit të breshërit, ndonëse e thotë se sistemi anti breshër përmes raketave është i disfavroshëm për ambientin.
Duke e shpjeguar planin për sigurimin e aeroplanëve për parandalimin e breshërit, Ministri Peci i tha Expose se aktualisht ndodhen në fazën e analizimit dhe bërjes së kërkesave.
