Më 28 Nëntor, për Ditën e Flamurit, në qytetin e Preshevës do të organizohet një marsh masiv protestues. Inciator i kësaj proteste është OVL e UÇPMB-së e përkrahur nga të gjitha subjektet politike shqiptare në Luginë të Preshevës, Këshilli Kombëtar Shqiptar, Këshillat e Bashkësisë islame në Preshevë dhe Bujanoc si dhe organizatat joqeveritare.
Kjo protestë e shqiptarëve ka ngjallur interesim të madh edhe të mediave serbe, e njëra ndër to ka cituar deklaratën e kryetarit të OVL-së, Nazmi Hajredini.
“Diskriminimi po rritet nga viti në vit. Kërkesa jonë themelore është bashkangjitja e Luginës së Preshevës me Kosovë. Kjo nuk është një kërkesë nga politikanët por vullneti i popullit”, citon B92 organizatorin i protestës Nazmi Hajredini.
