Sot do të mbyllet edhe Kupa e Botës 2019 në basketboll, e mbajtur në Kinë.
Katër skuadrat e mbetura në lojë janë Argjentina, Spanja, Franca dhe Australia, raporton lajmi.net.
Argjentina dhe Spanja do të kontestojnë finalen e madhe, me synimin e vetëm, triumfin.
Argjentina ka kaluar kundërshtarë mjaft të vështirë deri në këtë pikë, duke lënë prapa skuadra si Serbia e Franca, kurse Spanja ka triumfuar ndaj kundërshtarëve si Australia e Italia.
Ndeshja finale e këtij Kampionati Botëror do të luhet sot me fillim nga ora 14:00, sipas kohës sonë, raporton lajmi.net.
Në anën tjetër, garë do të ketë edhe për pozitën e tretë në këtë turne, pozitë e cila sjell medalje bronzi.
Franca dhe Australia kontestojnë pozitën numër tre, pasi ëndrra për titullin e kampionit u shua në gjysmëfinale.
Ndeshja që përcakton pozitën e tretë në Kampionatin Botëror 2019 fillon në ora 10:00, sipas kohës sonë.
