Kurti i shkarkon tre borde të ndërmarrjeve publike KEK’ut, “Ibër Lepencit” dhe të Ujësjellësit në Prizren

Qeveria në detyrë ka shkarkuar Bordin e KEK’ut, Bordin e “Ibër Lepencit” dhe Bordin e “Hidroregjionit Jugor”.

Lajmi është bërë i ditur nga Zyra e Kryeministrit përmes një komunikate drejtuar mediave.

“Qeveria ka shkarkuar bordet e drejtorëve në Ndërmarrjen Publike Qendrore “Korporata Energjetike e Kosovës” Sh. A, në Ndërmarrjen Publike Qendrore Ndërmarrja Hidroekonomike “Ibër Lepenc” Sh. A. dhe në Ndërmarrjen Publike Qendrore Kompania Rajonale e Ujësjellësit “Hidroregjioni Jugor” Sh. A. Prizren. Në arsyetimin e vendimit janë theksuar keqmenaxhimi dhe shkeljet të evidentuara edhe nga raportet e auditimit”, thuhet në komunikatë.

Komunikata e plotë:

Qeveria në detyrë e Republikës së Kosovës ka zhvilluar mbledhjen korresponduese (mbledhje elektronike) nën drejtimin e Kryeministrit në detyrë të Republikës së Kosovës, Albin Kurti, në pajtim me Rregulloren e Punës së Qeverisë, në të cilën ka shqyrtuar dhe miratuar vendime dhe dokumente nga fushat e përgjegjësive kushtetuese dhe ligjore.

Qeveria ka shkarkuar bordet e drejtorëve në Ndërmarrjen Publike Qendrore “Korporata Energjetike e Kosovës” Sh. A, në Ndërmarrjen Publike Qendrore Ndërmarrja Hidroekonomike “Ibër Lepenc” Sh. A. dhe në Ndërmarrjen Publike Qendrore Kompania Rajonale e Ujësjellësit “Hidroregjioni Jugor” Sh. A. Prizren. Në arsyetimin e vendimit janë theksuar keqmenaxhimi dhe shkeljet të evidentuara edhe nga raportet e auditimit. Me po këto vendime, Qeveria ka emëruar bordet e përkohshme të drejtorëve:

– Në ndërmarrjen publike qendrore “Korporata Energjetike e Kosovës” Sh. A.:

1. Rrezarta Pllana, kryesuese dhe drejtore;

2. Merita Kasapolli, drejtore;

3. Arbnor Pula, drejtor; dhe

4. Bezad Halilaj, drejtor.

– Në ndërmarrjen publike qendrore Ndërmarrja Hidroekonomike “Ibër Lepenc” Sh. A.:

1. Ajshe Zeneli-Bytyqi, kryesuese dhe drejtore;

2. Alban Fetahu, drejtor;

3. Bekim Selimi, drejtor; dhe

4. Nazmi Pllana, drejtor.

– Në ndërmarrjen publike qendrore Kompania Rajonale e Ujësjellësit “Hidroregjioni Jugor” Sh. A. Prizren:

1. Ylber Elshani, kryesues dhe drejtor;