Lidhja Demokratike e Kosovës është shprehur e pa interesuar për koalicion zgjedhor me Lëvizjen Vetëvendosje.
Partia e Isa Mustafës, ka refuzuar ftesën e liderit të VV-së Albin Kurti për koalicion.
Zëdhënësi i Lidhjes Demokratike të Kosovës, Besian Mustafa, ka përsëritur qëndrimin e partisë së tij se ajo do të shkojë e vetme në zgjedhje, shkruan Gazeta Blic.
“E ka thënë edhe vet kryetari i LDK-së, Isa Mustafa të shtunën se LDK do të shkojë e vetme në zgjedhje”, ka thënë Mustafa për Gazetën Blic.
Në anën tjetër, Kurti duke aluduar në LDK, tha sot se “koalicioni paraprak i opozitës së vërtetë të deridjeshme të bëhet qeveri e mirë e së nesërmes.
”Ditëve të fundit është raportuar se koalicionin LDK – VV mund ta pengojë çështja e kryeministrit, për të cilin nuk po heq dorë asnjëra parti.
