Komuna e Drenasit ishte sonte qyteti që u vizitua nga ekipi i emisionit “21 Gradë” në RTV 21.
Kryetari i kësaj komune, Ramiz Lladrovci foli për evenimentin “Muaji i Mërgatës”, ku që nga 15 korriku i këtij viti çdo mbrëmje në Drenas mbahet koncert pa pagesë me emra të njohur të estradës, përcjell portali rtv21.tv.
Lladrovci foli edhe për planet e tij private ku tha e sivjet nuk do të shkojë fare në pushim. Ai tha se nuk ka kohë pasi që tani janë dëgjimet publike për buxhetin e komunës dhe po ashtu fushata zgjedhore.
Por, Lladrovci tregoi se është edhe në përgatitje të Doktoraturës e edhe kjo gjë po e privon atë nga pushimet.
