Ministrisë së Arsimit i teprojnë 80 mijë euro nga bursat.
Numri i vogël i studentëve që fitojnë bursë ka bërë që Ministrisë t’i teprojnë më shumë se 80 mijë euro.
Ishte Ministre e Arsimit për afro tre muaj.
Kaq i mjaftuan ish-ministres Hykmete Bajramit që të caktonte buxhetin për bursat.
Por duket se ky buxhet doli jashtë planifikimeve.
Nga 1,150,000 euro sa ishin ndare, MASH-it iu tepruan 88,800 euro.
Kjo ndodhi pasi që nuk kishte studentë që plotësonin kriteret për të marrë bursë.
E nga kjo ministri tregojnë se ku do t’i shfrytëzojnë këto mjete.
Kurse njohësi i arsimit Rinor Qehaja thotë që këto para është dashur tu jepen studentëve.
Madje ai ende nuk e përjashton këtë mundësi .
Qehaja shtonë se duhet të bëhet një kalkulim më i mirë i këtyre mjeteve, për shkak që të mos ndodh kjo prapë.
Megjithatë studentët kanë një arsye pse ata nuk kanë fituar më shumë bursa
Për këtë thonë që ndikoi pandemia.
Bursat e fituara një pjesë e studentëve nuk kanë marrë ende për shkak të disa gabimeve teknike që kanë bërë Ministria e Arsimit.
